Lesson-21, பாடம்-21 கர்மாவை தொலைப்பது எப்படி??

  

*Meditation தியானம்

*Lesson-21, பாடம்-21*

*கர்மாவை தொலைப்பது எப்படி??* 

திருமண தடை மற்றும் திருமண தாமதம் ஏற்படுவதில் மிக முக்கிய பங்கு கெட்ட கர்மாவுக்கே உள்ளது?

செலவு அதிகம் ஆகி கையில் பொருளோ பணமோ தங்குவதில்லை, உழைப்பு அதிகமாகவும் அதனால் ஈட்டும் பலனோ குறைவாக இருப்பது (அதாவது குறைவான சம்பளத்தில் பலமணிநேர வேலை) வீட்டில் சந்தோஷமில்லா நிலை. அடிமை வாழ்க்கை, நிம்மதியை தொலைத்த வாழ்வு போன்ற அனைத்துமே கர்மா வினையால் ஏற்படும் பலன்களே.

உடலும் மனமும் நொந்தால் நம் கர்மா குறைகிறது. தெரிந்தோ தெரியாமலோ செய்த பாவங்களுக்கு மனம் வருந்தினாலும் கர்மவினை குறையும். நோய் வந்தால் உடலும் மனமும் நோகும். நோய் வந்து உடல் கஷ்டப் படுவது என்பது கட்டாயம் அனுபவித்தே கர்மாவை கழிக்க வேண்டும். ஆனால் அதே உடல் கஷ்டத்தை வேறு வகையில் நாம் அனுபவித்து நம் கர்மாவை குறைக்க ஒரு வழி உண்டு. அதுதான் சேவை. எந்தவித எதிர்பார்ப்பும் இல்லாத, கூலி வாங்காமல் பிறருக்கு நாம் செய்வதே சேவை. சேவை என்பது நமக்கு எப்படியாவது நன்மை பயக்கட்டும் என்ற எண்ணத்தில் செய்யக் கூடாது. மனம் உவந்து, பிறருக்கு உதவுவதே சேவை. அவ்வாறு உடல் நோக சேவை செய்வது, உடல் நோக நோயில் படுப்பதில் இருந்து உங்களை பாதுகாக்கின்றது. அதற்கும் இதற்கும் சமண்பாடு ஆகிவிடுகிறது. மனதிற்கு இது (சேவை) சந்தோஷத்தை தருகிறது. ஆனாலும் கர்மா குறைகிறது. நோய் வந்தால் உடலும் மனமும் நோகிறது. சேவை செய்தால் உடல் நோகிறது. ஆனாலும் மனம் குதூகலம் அடைகிறது. (தனக்கு திருமண யோகாம் கிடைக்க மற்றவர்களது திருமணத்திற்கு நேரில் சென்று அவர்களுக்கு உதவியாக இருந்து சேவை செய்வதும் கர்மாவை கழித்து நல்ல யோகத்தை பெறுவது போன்றதே..அதாவது மற்றவர்களது திருமணத்திற்கு உதவி செய்து தனக்கான திருமண யோகத்தை பெறுவது) கடந்த 7 வருடங்களில் புது தில்லி மாங்கல்யம் குழுவில்  4350+ திருமணங்களை நிச்சயம் செய்திருப்பதும் இந்த குழுவை வழி நடத்திச்செல்லும் குழு தலைமை நிர்வாகிகளின் திருமண சேவை என்கிற அடிப்படையிலேதான்...  மொத்தத்தில் குழு நிர்வாகிகள் (அட்மின்கள்) சேவை மனப்பான்மையே குழு உறுப்பினர்களின் கர்மவினையை போக்கி அவர்களுக்கு ஒரு யோகமான விழியை வகுத்து தருகிறது... (இன்றைக்கும் இந்தக் குழுவில் பலரும் நினைப்பது என்னவென்றால் இந்தக்குழுவில் சேர்ந்தால் திருமணம் நிச்சயம் ஆகிவிடும் என்பதாக பலர் ஆர்வத்தோடு இந்தக்குழுவில் சேர்கிறார்கள்....  அவர்களின் ஆர்வம் மற்றும் அந்த நினைப்பே அவர்களுக்கான வழியை வகுத்துத்தருகிறது.)

ஆயிரம் பேருக்கு அன்னதானம் செய்து என் கர்மாவை கழிக்கின்றேன் என்று சொல்ல முடியாது. என் கைப்பட அந்த அன்னதானத்தில் நான் எவ்வளவு சேவைகள் செய்கிறேன் என்பதிலும் விஷயம் உண்டு. எங்கோ காசியில் அன்ன தானம் செய்ய நேரில் போக முடியாது. பணம் மட்டுமே தரமுடியும். ஆனால் இங்கு அருகில் நடக்கும் எந்த பொது நிகழ்ச்சிகளில் நம்மால் முடியுமோ அங்கெல்லாம் சென்று பிறருக்கு சேவை செய்து நம் கர்மாவை இயற்கையாக குறைக்க வேண்டும். புண்ணியங்கள் செய்ததை சொன்னால் குறையும். ஆகவே நான் இதைச் செய்தேன் அதை செய்தேன் என்று பெருமை பீற்றிக் கொள்ள வேண்டாம்.

கர்மாவை குறைக்க மற்றொரு வழி முறை உண்டு. அதுதான் தியானம். அலைபாயும் மனதை அடக்குவதும் உடல் நோக ஒரே இடத்தில் அமர்வதும் கர்மாவை குறைக்க ஒரு வழி. ஆனால் இதை செய்தால் மனம் ஒரு நிலைப்படும், நோய் வந்து உடல் நொந்து போவதற்கு பதில் தியானம் செய்து மனதிற்கு தேவையான அளவு அலைபாய விடாமல் தடுத்து முதலில் கஷ்டத்தை கொடுக்கிறோம். ஆனால் இயற்கையாக நம் மனம் சிறப்புறுகிறத, அதே நேரத்தில் கர்மாவும் குறைகிறது.

சில ஆன்மீகவாதிகளை தரிசிப்பது மாற்றும் அவர்களின் சொற்ப்பொழிவு கேட்பது , சில மடாதிபதிகள் மற்றும் மகான்களின் ஆசீர்வாதங்கள் பெறுவது, சில சித்தர்களின் நேரடி மற்றும் மானசீகமான ஆசீர்வாதங்களை பெறுவது, தீர்த்த யாத்திரை மற்றும் திருவருள் நிறைந்த திருத்தலங்களுக்கு விஜயம் செய்து தரிசனம் செய்வதும், தாய், தந்தை, குரு மற்றும் நம்மை சுற்றியுள்ள பெரியவர்களின் ஆசீர்வாதங்களும் நமது  கெட்ட  கர்மவினையை கரையச்செய்யும் செயல்களே.

இன்னும் சில எளிய வழிகள் உள்ளன. கோயில் குளத்தில் உள்ள மீன்களுக்கு பொரி, எறும்புகளுக்கு வெல்லம், அரிசி மாவு, காக்கைக்கு உணவு. பசு, காளைமாடு, நாய் பூனை, போன்ற வீடுகளில் விரும்பி வளர்க்கும் மிருகங்கள், பறவைகள், செடி கோடி தாவரங்கள் என அவைகளை பராமரிக்கும் சேவை போன்ற நற்செயல்களும் கர்மாவை குறைக்கும்.

இது அனைத்தும் குருமார்கள் எனக்கு உபதேசம் செய்தது. என் சொந்த சரக்கு அல்ல.

ஒருவர் ஆன்மிக மார்க்கத்தில் ஈடுபட்டு ஒரு சிறந்த ஆன்மிக சத்குருவிடம் சரணடையும் போது சத்குருநாதர் அளப்பறிய கருணையினாலும் தவ வலிமையினாலும் சரணடைந்தவரின் சஞ்சித கர்ம வினை மூட்டையை அழித்து விடுவார்.

மேலும் புதிய கர்மாக்கள் ஏற்படாத வண்ணம் ஆன்மீக பாதையை வழி வகுத்துக் கொடுப்பார்.

ஆகையால் ஆகாமிய கர்மா நசிந்துவிடும் அல்லது ஏற்படாது.

பொதுவாக எஞ்சிய பிராரப்த கர்மாவாவே அனைவரும் அனுபவித்தே கழிக்க வேண்டும்.

பொதுவாக குரு அவர்கள் பிராரப்த கர்மாவை எதுவும் செய்வதில்லை.

ஒரு குருவிடம் சரண் அடையவில்லை என்றால் சுயமாக கர்மவினைகளை கரைக்க தெரிந்திருக்க வேண்டும்.

ஒரு குருவிடம் சரணடையாமல் பலர் ஆன்மீக வாழ்க்கையை மேற்கொண்டு முக்தி அடைந்து உள்ளனர்.

திருவண்ணாமலை பகவான் ரமண மகரிஷி அவர்களுக்கு குரு என்று ஒருவர் கிடையாது என்பது இங்கே குறிப்பிடத்தக்கது.

ஆக உங்கள் கேள்விக்கான பதில் கர்மாவினால் பல தடைகள் ஏற்படுவதோடு அது அடுத்தடுத்த பிறவிகளிலும் தொடருமா என்றால் ஆமாம் குறிப்பாக சஞ்சித கர்மா இருக்கும் வரை அதிலிருந்து ஒரு பகுதியாக பிராரப்த கர்மாவை கொண்டு ஒவ்வொரு பிறவியாக இந்த கஷ்ட்ட பிறவிகள் தொடரும்.

சேவை செய்பவர்களுக்கு உதவி செய்யாவிட்டாலும் பரவாயில்லை, சேவை மனப்பான்மை கொண்டவரின் சேவைக்கு தடையாக இல்லாமல் தலைவணங்கி வழிவிடுங்கள்.. அதுவே உங்களின் கர்மவினையை போக்கி உங்களை சிறப்பாக வழிநடத்தும்.

*அனைவரிடத்திலும் ஆத்ம சக்தி  ஓங்கி ஒளிரட்டும் !*

*வாழ்க வையகம். வாழ்க வளமுடன்.*

மேற்கண்ட எழுத்துருவில் சில  விவரங்களை குறிப்பிட்டாலும், எனது குரல் பதிவில் பல உதாரணங்களை கூறியிருப்பதை கேட்டு உங்களுக்கு உகந்த ஒரு வழிமுறையை கெட்டியாக பற்றிக்கொண்டு முழு நம்பிக்கையோடு செயகளை செய்தாலே எப்படிப்பட்ட கெட்டவினையையும் போக்கி நல்ல வினைகள் உறுதுணையாக உங்களை காத்து ரட்சித்து, வளமான, மனதுக்கு இதமான வாழ்க்கையை தரும் அனுபவத்தை பயிற்சி மேற்கொண்ட மிக குறிகிய காலங்களிலேயே சிறப்புகளை அனுபவிக்கும் வாய்ப்பை பெறலாம். 

*பயிற்சி உதவி:- கோகி, ரேடியோ மார்க்கோனி, புது தில்லி.*

*மீண்டும் அடுத்த பயிற்சி வகுப்பில் Lesson/பாடம் -22 "கர்மயோகா" செய்வது எப்படி? என்கிற சித்த வித்தை பயிற்சி வகுப்பில் சந்திக்கலாம்...  நன்றி*

https://chat.whatsapp.com/DzfAzMI3ahEKDv6gbPY91T

Lesson-20, பாடம்-20 ஆழ்நிலை தியானம் டெலிபதி (கவன ஈர்ப்பு)

  

*Meditation தியானம்

*Lesson-20, பாடம்-20*

*ஊழ் வினை உருக்கி.. உள் ஒளி பெருக்குவதே யோகம்*

*ஆழ்நிலை தியானம் டெலிபதி (கவன ஈர்ப்பு)*

*பலர் என்னிடம் டெலிபதி பற்றி அறிய ஆர்வம் உள்ளதாகவும் அதை கற்று கொடுக்கும் படியும் மெயில் அனுப்பி உள்ளனர். சித்தர்கள் வகுத்து தந்த வழியில் உங்கள் ஆர்வத்தை மதித்து உங்களுக்கு எளிய முறையில் டெலிபதி கற்று தருகிறேன் தயவு செய்து இதை நல்ல விசயங்களுக்கு மட்டும் பயன்படுத்தும் படி கேட்டுக்கொள்கிறேன்.* 

*டெலிபதி (கவன ஈர்ப்பு)*

*இரண்டு வகையாக பிரிக்கலாம்..*

*1. மற்றவர்களின் மனத்திலுள்ள எண்ணங்களை படிப்பது..*

*2. நமது மனதின் எண்ணங்களை மற்றவர்களுக்கு அனுப்புவது..*

*முதலில் உங்கள் எண்ண அலைகளுக்கு ஒத்த எண்ண அலைகள் உள்ள ஒரு நண்பரை இதில் உதவியாளராக சேர்த்துக் கொள்ளுங்கள். என்றுமே இது போன்ற விஷயங்களில் ஈடுபாடோ, நம்பிக்கையோ இல்லாத ஆள்களைத் தவிருங்கள். உங்கள் சோதனை சமயங்களில் பார்வையாளராகக் கூட அது போன்ற ஆட்கள் அருகில் இருக்க அனுமதிக்க வேண்டாம். இது ஆரம்பக் கட்டங்களில் மிகவும் அவசியம். இதில் நல்ல தேர்ச்சி அடைந்த பின்னர், உங்கள் ஆழ்மன சக்திகள் வலிமை அடைந்த பின்னர் மற்றவர்களின் எப்படிப்பட்ட எதிர்மறை எண்ண அலைகளும் உங்களையும், உங்கள் சக்தியையும் பாதிக்காது. ஆனால் அந்த நிலையை அடையும் வரை ஒத்த எண்ண அலைகள் உள்ள மனிதர்கள், சூழ்நிலைகளே சோதனைக்கு உகந்தவை. பரபரப்பில்லாத அமைதியான மனநிலையே ஆழ்மன சக்திகள் வெளிப்படப் பொருத்தமான மனநிலை. சரியாகச் சொல்ல முடிய வேண்டுமே என்ற பரபரப்போ, முடியுமா என்ற சந்தேகமோ மனதில் வேண்டாம். முதலில் எளிமையான சோதனையில் இருந்து ஆரம்பியுங்கள். நண்பரிடம் ஒன்றில் இருந்து பத்திற்குள்ளாக ஒரு எண்ணை நினைக்கச் சொல்லுங்கள். அவரை அந்த எண்ணை அவருடைய மனத்திரையில் பெரியதாக உருவாக்கி ஒளிரச்செய்து காணச் சொல்லுங்கள். பின் கண்களை மூடிக்கொண்டு உங்கள் மனத்திரையில் அவர் கண்டு கொண்டு இருக்கும் எண்ணைக் காண முயற்சி செய்யுங்கள். அந்த எண் உங்கள் மனத்திரையில் ஒளிர வேண்டும் என்று எதிர்பாருங்கள் இந்த முயற்சியில் நீங்கள் உங்களை அறியாமலேயே யூகம் செய்ய முயற்சிக்கக் கூடும். நண்பருக்குப் பிடித்த எண் எது, அவரது அதிர்ஷ்ட எண் எது என்று யூகிக்கத் தோன்றலாம். அதைத் தவிருங்கள். யூகத்தின் மூலம் சரியான எண்ணைச் சொன்னாலும் நம் நோக்கத்திற்கு அது தோல்வியே. ஓரிரு நிமிடங்கள் கழித்து உங்கள் மனத்திரையில் பெரிதாக ஒளிர ஆரம்பிக்கும் எண்ணை, அல்லது உறுதியாக மேலோங்கி நிற்கிற எண்ணை வாய் விட்டு அவரிடம் சொல்லுங்கள். சரி பார்த்துக் கொள்ளுங்கள். 90 சதவீதம் ஆரம்பத்தில் தப்பாகச் சொல்ல வாய்ப்பிருக்கிறது.  ஏனென்றால் அந்த எண் ஆழ்மனதின் முயற்சியின் மூலம் தானாக வரும் முன், பொறுமையில்லாமல் நம் ஆர்வக் கோளாறு ஒரு கற்பனை எண்ணை நாம் வரவழைக்கச் செய்திருக்கலாம். முதல் முயற்சியிலேயே குழந்தை நடக்க ஆரம்பித்து விடுவதில்லை. எனவே தளராமல் உங்கள் முயற்சிகளைத் தொடருங்கள். எண்கள் மட்டுமல்லாமல், காய்கறிகள், பழங்கள், பொருள்கள், உங்கள் இருவருக்கும் நன்றாகத் தெரிந்த மனிதர்களின் முகங்கள், ஏதாவது ஒரு துறையின் பிரபலங்கள் என்று மாற்றிக் கொண்டு முயற்சியுங்கள். யூகம், அவசரம், சரியாகச் சொல்ல வேண்டும் என்கிற படபடப்பு போன்றவை இல்லா விட்டால் விரைவிலேயே உங்களால் சரியாகச் சொல்ல முடியும். தோல்வியைப் போலவே வெற்றியும் நம் மனநிலையைப் பாதிக்கக் கூடும். அப்படி வெற்றி தோல்விகள் ஏற்படுத்துகிற மாறுதல் மனநிலைகளைத் துடைத்து விட்டு மறுபடியும் புதிதாக ஆரம்பியுங்கள். களைப்பான சமயங்களும் இந்த சோதனைக்கு உகந்ததல்ல. அந்த நேரங்களிலும் சோதனை செய்வதைத் தவிருங்கள். அது போல உங்களுக்கு மிக நெருங்கியவர்கள் ஏதாவது சிந்தனையில் இருக்கையில் அவர்களிடம் கேட்காமலேயே அதை உங்களால் உணர முடிகிறதா என்று முயற்சி செய்யுங்கள். முன்பு சொன்னது போல யூகம், கற்பனை இரண்டின் வழியாக அல்லாமல் தானாக மனதில் வந்து சேரும் வரை பொறுமையாகக் காத்திருங்கள். தானாக விடை ஏதும் வராவிட்டால் விட்டு விடுங்கள். கட்டாயப்படுத்தி வரவழைக்க நினைக்கும் விடைகள் சரியாக இருப்பதில்லை. ஒரு விடை மனதில் உறுதியாகத் தோன்றினால் விடை சரி தானா என்று அவர்களிடம் கேட்டு சரிபாருங்கள். தவறாக இருந்தால் அதைப் பொருட்படுத்தாதீர்கள். இது ஒன்றும் உங்கள் வாழ்வை நிர்ணயிக்கும் பரீட்சை அல்ல. அடிக்கடி முயற்சி செய்யுங்கள். போகப் போக நீங்கள் அந்த உணரும் சக்திக்கு ‘ட்யூன் ஆக’ ஆரம்பிப்பீர்கள். பின் நீங்கள் இந்தத் திறனில் வெற்றி பெறுவது அதிகரிக்க ஆரம்பிக்கும்.*

*அடுத்ததாக நீங்கள் உங்கள் எண்ணத்தை அடுத்தவருக்கு அனுப்புவது பற்றிய சோதனையை ஆரம்பியுங்கள். ஆரம்பத்தில் எளிய சோதனைகளையே ஆரம்பியுங்கள். உதாரணத்திற்கு தெருவில் நடந்து கொண்டிருக்கும் போது முன்னால் போகும் நபர் திடீரென்று உங்களைத் திரும்பிப் பார்க்க வேண்டும் என்று உறுதியாக எண்ணுங்கள். அவரது பின் கழுத்தில் உங்கள் பார்வையைப் பதித்து ஆழமாக எண்ணுங்கள். அவர் திரும்பிப் பார்க்கிறாரா என்று பாருங்கள். உங்களிடம் பேச வரும் நபர் நீங்கள் தேர்ந்தெடுக்கும் ஒரு சொல்லை அல்லது ஒரு விஷயத்தைப் பற்றி கண்டிப்பாக உங்களிடம் சொல்ல வேண்டும் என்று உறுதியாக, ஆழமாக எண்ணுங்கள். நீங்கள் நினைக்கிறபடி அந்த நபர் நடந்து கொள்கிறாரா, சொல்கிறாரா என்று பாருங்கள். அப்படி நடக்கா விட்டால் அது உங்களின் சக்தியின் குறைபாடாக இருக்க வேண்டியதில்லை. வேறு காரணங்கள் கூட இருக்கலாம். உங்கள் முன்னால் போய்க் கொண்டிருக்கும் நபர் தன்னைப் பாதிக்கும் ஏதோ ஒரு விஷயத்தில் ஆழ்ந்து போயிருக்கலாம். ஆழ்ந்த சிந்தனையில் ஆழ்ந்து போய் இருக்கிற நபரை அந்த சிந்தனையில் இருந்து வெளியே வர வைத்துப் பின் திரும்ப வைப்பது மிகவும் சக்தி படைத்த ஒருசிலரால் மட்டுமே முடியும். ஓரளவு சக்தி பெற்றவர்களாலும் கூட அது முடியாது. அது போல ஒரு விஷயத்தில் ஆழ்ந்து போய் அதைப் பற்றி உங்களிடம் பேச வரும் ஒரு நபரை சம்பந்தமில்லாத விஷயத்தையோ, அதற்குப் பொருத்தமில்லாத வார்த்தையையோ சொல்ல வைப்பதும் கடினமே. ஆகவே இது போன்ற சமயங்களில் முன்பே ஏதோ சிந்தனையிலோ, கவலையிலோ, வேலைப்பளுவிலோ மூழ்கி இருப்பவர்கள் இந்த சோதனையில் ஈடுபடுத்தப் பொருத்தமானவர்கள் அல்ல என்று புரிந்து கொள்ளுங்கள். இது போல பல சோதனைகளை நீங்களே தேர்ந்தெடுத்துக் கொள்ளலாம். உருவாக்கிக் கொள்ளலாம். வீட்டில் உள்ளவர்களைக் கூட வாய் விட்டுச் சொல்லாமல் உங்கள் எண்ணங்கள் மூலம் இயக்க முடிகிறதா என்று பாருங்கள். இதிலும் அது அந்த நபருக்கு இசைவில்லாத செயல்களைச் செய்ய வைக்கும் முயற்சியாக இல்லாமல் இருக்கும்படி பார்த்துக் கொள்ளுங்கள். இந்த சோதனைகள் சுவாரசியமானவை. இதில் கிடைக்கும் வெற்றி தோல்விகளுக்குப் பெரிய முக்கியத்துவத்தைத் தராதீர்கள். சற்று முன் விளக்கியபடி தோல்விகளுக்கு உங்கள் ஆழ்மனசக்திக்கு சம்பந்தமில்லாத வேறு காரணங்கள் இருக்கக் கூடும். அதையும் அலசுங்கள். போகப் போக உங்கள் முயற்சிகளில் வெற்றிகள் அதிகரித்துக் கொண்டே போவதை நீங்கள் காண்பீர்கள். ஆனால் இந்த சோதனைகள் குறித்தும், நீங்கள் அடைந்த வெற்றிகள் குறித்தும் மற்றவர்களிடம் சொல்வதையோ, அலசுவதையோ தவிர்ப்பது நல்லது. காரணம் கர்மா அனைவருக்கும் ஒன்றுபோல் இருப்பதில்லை.*

*உதாரணம்:- ஆடியோ, வீடியோ இணைப்பில் காண்க..*

*உதாரணம்... குரல் பதிவு*

*அனைவரிடமும் ஆத்ம சக்தி ஓங்கி ஒளிரட்டும்... வாழ்க வையகம். வாழ்க வளமுடன்.*

*பயிற்சி உதவி:- கோகி, ரேடியோ மார்க்கோனி, புது தில்லி.*

மீண்டும் அடுத்த பயிற்சி வகுப்பில் சந்திக்கலாம்... நன்றி

https://chat.whatsapp.com/DzfAzMI3ahEKDv6gbPY91T

Yes