கற்றுக்கொண்டே-இருங்கள்..

 _*கற்றுக்கொண்டே-இருங்கள்...*_

_*வாழ்க்கையில் தொடர்ந்து கற்றுக் கொண்டே இருங்கள்.*_

_நான் நிறைய படிச்சிருக்கேன். என்கிட்ட இத்தனை டிகிரி இருக்கு. எனக்கு தெரியாதது ஒன்னுமில்லைன்னு கர்வம் இருக்கா உங்களுக்கு அப்படின்னா அதை தூக்கி ஓரமா வைச்சிடுங்கள்._

_*நம்ம வாழ்க்கையில் கத்துக்குற முக்கால்வாசி விஷயங்கள் நம்ம பாட புத்தகத்தில் இருந்து வரதில்லை.*_

_ஒரு சிங்கத்தை நேருக்கு நேரா பாக்கும் போது என்ன பண்ணணும்னு எந்த பாட புத்தகத்தில் சொல்லி குடுத்துருக்காங்க. பித்தோகரஸ் தியரியை வைச்சி இதை சரி பண்ண முடியுமா?_

_*ஓடிடுன்னு மனசு சொல்லும். ஆனால் ஓடினால் கதை முடிஞ்சிடும். வைச்ச கண் வாங்காமல் சிங்கத்தையே பாக்கணும். நிக்குற இடத்தை விட்டு நகரக் கூடாது. முடிஞ்ச வரை உங்களை பெரிய உருவமா காட்டிக்கணும். இதுக்கு அப்பறம் சிங்கம் என்ன முடிவு பண்ணுதோ அது தான் உங்கள் வாழ்கையை தீர்மானிக்கும்(ஹிஹி).*_

_வாழ்க்கையிலே நான் எல்லாமே கத்து முடிச்சிட்டேன்னு ஒரு தருணமே கிடையாது. எப்போ டிவிஸ்ட் அண்ட் டேர்ன்ஸ் வருமுனே தெரியாது._

_*உலகத்திலேயே மிக நீளமான ஆண்டீஸ் மலையிலே ஒரு விமானம் விபத்துக்குள்ளாகுது. மைனஸ் முப்பது டிகிரி குளிரில் காப்பாத்த யாராவது வருவாங்கன்னு காத்து கிடக்குறாங்க அந்த விபத்தில் உயிர் தப்பியவர்கள். ஆனால் அரசாங்கம் அந்த விபத்தில் எல்லோரும் இறந்துட்டாங்கன்னு நினைச்சு தேடுதல் பணியை கை விட்டுடறாங்க. பசியோட பல நாட்கள் காத்திருந்தவர்கள் வேற வழியே இல்லை உயிர் தப்பிக்கணும்னு இறந்தவர்களின் உடலை சாப்பிட ஆரம்பிக்குறாங்க. இருபதாம் நூற்றாண்டின் மிக பெரிய சர்வைவல் ஸ்டோரி தான் இது.*_

_கம்ப்பர்ட் ஸோனை விட்டு ஏன் வெளியே வரணும்னு கேட்ப்பவருக்கான பதில் இது. கஷ்டங்களை பார்த்தவர்களால் சில கஷ்டமான நேரங்களில் தப்பித்துக்கொள்ள முடியும். கம்ப்பர்டாக இருந்தவர்களுக்கு அது கடினம்._

_*நான் ஒரு ஆண். நான் ஏன் சமைக்க கத்துக்கணும்னு சில பேர் கேட்க்கும் போது எனக்கு தோணும். அடுத்த வேளை உங்களுக்கு பசிக்குமா அப்ப நீங்களும் சமைக்க கத்துக்கணும். அது அத்தியாவசியமான ஒன்னுன்னு நான் நினைக்குறேன்.*_

_நான் மெரைன் இஞ்சினியரிங் படிச்சிருக்கேன்னு சொல்லுபவரிடம் முதலில் கேட்ப்பது உங்களுக்கு நீச்சல் தெரியுமான்னு தான். பெரிய பெரிய விஷயங்களை கத்துக்கிட்டோம்னு நினைக்குற நமக்கு பேசிக்கான வாழ்க்கைக்கு தேவையானது தெரியாமல் இருக்க கூடும். அந்த சின்ன விஷயம் வாழ்க்கையில் ஆபத்தான காலத்தில் கை கொடுப்பதாக இருக்கும்.*_

_நான் சொல்ல வர அறிவுரை, வாழ்க்கையிலே ஒவ்வொரு நிமிஷமுமே நாம ஏதாவது கத்துக்கிட்டே தான் இருக்கோம். ஏதாவது ஒரு சர்வைவல் ஸ்டோரியை கேட்க்கும் போது இந்த இடத்துல நான் இருந்துருந்தா என்ன பண்ணியிருப்பேன்னு தான் யோசிப்பேன். அந்த மாதிரி நேரங்களில் நாம வைச்சிருக்க டிகிரி, பணம் எல்லாம் ஒன்னுமில்லாமல் போயிடும். எல்லாமே எனக்கு தெரியும்ங்குற மன நிலையில் இருந்து வெளியே வந்து வாழ்க்கையிலே சின்ன சின்ன விஷயங்களை கூட கத்துக்கங்க. நீங்க எதிர்ப்பாக்காத நேரங்களில் கண்டிப்பாக உதவும்._

_*பொறுமையைவிட மேலான தவமுமில்லை.திருப்தியை விட மேலான இன்பமுமில்லை.இரக்கத்தை விட உயர்ந்த அறமுமில்லை.மன்னித்தலை விட ஆற்றல் மிக்க ஆயுதமில்லை…!*_

_தோல்விகள் சூழ்ந்தாலும். இருளை விளக்கும் கதிரவன் போல அதனை நீக்கி அடுத்தடுத்த வெற்றி படியில் கால் அடி எடுத்து வையுங்கள். முடியும் வரை அல்ல, உங்கள் இலக்கினை அடையும் வரை. இந்த விடியல் உங்கள் வாழ்விலும் விடியட்டும்…!_    

_*முக மலர்ச்சியோடும், நம்பிக்கையுடனும் எழுந்து புதிய நாளை துவங்க இறைவன் அருள் புரியட்டும்…!*_

*ஆல்ஃபா #அலைகளும் எளிய பயிற்சியும்.*

 *ஆல்ஃபா #அலைகளும் எளிய பயிற்சியும்.*

எல்லா அற்புதங்களையும் நிகழ்த்தக்கூடிய ஆழ்மனதின் சக்திகள் ஆல்ஃபா, தீட்டா, டெல்டா அலை வரிசைகளில் நாம் இருக்கையில் சாத்தியமாகின்றன என்பதைப் பார்த்தோம். அவற்றில் நம்மையறியாமல் நாம் பல முறை சஞ்சரித்துக் கொண்டு இருந்திருக்கலாம் என்றாலும் அவற்றை நாம் உணர்ந்திருப்பதி
ல்லை. அவற்றை நாமாக ஏற்படுத்திக் கொள்ளாமல் தானாக அந்த அலைவரிசைகளில் இருந்திருக்கக் கூடிய சந்தர்ப்பங்களை எப்படிப் பயன்படுத்துவது என்பதை நாம் அறிந்திருப்பதுமில்லை.

முதலில் ஆல்ஃபா அலைகள் பற்றியும் அந்த அலைவரிசைக்கு நம் மனதைக் கொண்டு செல்வது எப்படி என்பதையும் பார்ப்போம்.

1924 ஆம் ஆண்டு ஜெர்மானிய மனோதத்துவ அறிஞர் ஹேன்ஸ் பெர்கர் அதீத மனோசக்திகளை ஆராய்ச்சி செய்யும் போது, குறிப்பாக டெலிபதி என்னும் ஒரு மனதிலிருந்து இன்னொரு மனதிற்கு செய்தி அனுப்பவோ, பெறவோ முடிந்த சக்தியை ஆராய்ச்சி செய்த போது அந்த நேரங்களில் அந்த மனிதர்கள் ஆல்ஃபா அலைவரிசையில் இருப்பதைப் பதிவு செய்தார்.

முதல் முதலில் அந்த அலைகளுக்கு ஆல்ஃபா அலைகள் என்று பெயரிட்டவரும் அவர் தான் என்று சிலர் சொல்கிறார்கள். அந்த சக்தி கிட்டத்தட்ட 100 மைக்ரோவால்ட்ஸ்
ஆக இருக்கிறது என்றும் அவர் அளவிட்டார். அவர் காலத்தில் இந்த அலைவரிசைகள் பெரும் அளவில் ஆராய்ச்சிக்கு உட்படுத்தப்படா விட்டாலும் பிற்காலத்தில் பெருமளவில் ஆராயப்பட்டது.
புதிய புதிய கண்டுபிடிப்புகளைச் செய்த பெரிய விஞ்ஞானிகளும், தங்கள் கற்பனையால் காலத்தால் அழியாத புதுமைகளைப் படைத்த பிரபல கலைஞர்களும், யோகிகளும் அதிகமாக ஆல்ஃபா அலைவரிசைகளிலேயே அதிக நேரங்களில் இருந்தார்கள் என்பதைக் கண்டுபிடித்திருக்கிறார்கள்.

பரபரப்பு மிகுந்த, அதிக சக்தி செலவழித்து முயலும், மனநிலையில் தான் பெரிய வேலைகள் ஆகின்றன, அதிக வேலைகள் சாத்தியமாகின்றன என்று நாம் பலரும் இன்றும் தவறாக நினைக்கிறோம். ஆனால் உண்மை அதுவல்ல என்று EEG போன்ற கருவிகளைக் கொண்டு செய்த ஆராய்ச்சிகள் சொல்கின்றன.

சென்ற நூற்றாண்டின் இணையற்ற விஞ்ஞானியான ஐன்ஸ்டீன் அவர்கள் கூட தன் ஆராய்ச்சி நேரங்களில் பெரும்பாலும் ஆல்ஃபா அலைவரிசையில் தான் இருந்திருக்கிறார் என்பதை EEG கருவியால் அளந்திருக்கிறார்கள்.

அதிலும் மிகவும் சிக்கலான கணிதங்கள் சம்பந்தப்பட்ட ஆராய்ச்சிகளில் கூட அதிலேயே அவர் இருந்திருப்பது குறிப்பிடத்தக்கது. மிக மிகக் கடினமான கட்டத்திற்கு வந்த ஓரிரு சமயங்களில் மட்டுமே ஆல்ஃபா அலைவரிசையில் இருந்து பீட்டா அலைவரிசைக்கு அவர் வந்திருக்கிறார்.

கிட்டத்தட்ட அரைத்தூக்க நிலை, அல்லது லேசான கனவு நிலை போன்றது இந்த ஆல்ஃபா அலைவரிசையில் உள்ள நிலை என்பதை நாம் கண்டோம்.

அப்படியானால் அதிக நேரங்களில் இந்த அலைவரிசையில் உள்ளவர்கள் எல்லாம் பெரிய மேதைகளா, ஞானிகளா, படைப்பாளிகளா என்று கேட்டால் அல்ல என்பது தான் உண்மையான பதில். பல மந்த புத்திக்காரர்களும், மகா சோம்பேறிகளும், போதை மருந்துகளை உட்கொண்டவர்களும் கூட அதிக நேரம் இந்த அலைவரிசைகளில் இருக்கிறார்கள் என்பதை டாக்டர் பார்பரா ப்ரவுன் போன்ற ஆராய்ச்சியாளர்கள் பதிவு செய்திருக்கிறார்கள். ஆனால் இது போன்ற ஆட்கள் ஆல்ஃபா அலைவரிசைகளில் அதிகம் இருந்தாலும் உள்ள சக்திகளையும் இழந்து அழிந்து கொண்டு இருக்கிறார்கள் என்பதில் இன்னொரு கருத்து இருக்க முடியாது.

அப்படியானால் முன்பு சொன்னதற்கும், இப்போது சொன்னதற்கும் இடையே முரண்பாடு உள்ளதே என்று பலரும் நினைக்கலாம். கூர்ந்து யோசித்தால் முரண்பாடு இல்லை.

ஐன்ஸ்டீன் போன்ற விஞ்ஞானிகளும், பெரிய மேதைகளும் ஆல்ஃபா அலைவரிசைக்கு விழிப்புணர்வோடு முயற்சி செய்து செல்பவர்களாக இருந்திருக்கிறார்கள். மந்த புத்திக்காரர்களும், மகா சோம்பேறிகளும் கிட்டத்தட்ட ஜடநிலையில் அந்த அலைவரிசையில் இருக்க, குடி மற்றும் போதையால் அந்த அலைவரிசையில் இருப்பவர்கள் செயற்கையாக அங்கு இழுத்து செல்லப்பட்டவர்களாக இருக்கிறார்கள். எனவே முன்னவர்கள் அந்த அலைவரிசையில் செயல்பட முடியும் போது, பின்னவர்கள் அந்த அலைவரிசையில் முடங்கியே போகிறார்கள். இதை நாம் என்றும் மறந்து விடக்கூடாது.

சரி ஆல்ஃபா அலைவரிசைக்கு செல்வதெப்படி என்பதைக் காண்போம். ஆல்ஃபா அலைவரிசையை ஒரே வார்த்தையில் விளக்க வேண்டும் என்றால் மிகப் பொருத்தமான வார்த்தை “ரிலாக்ஸ்” (Relax). பதட்டமில்லாத, அவசரமில்லாத அமைதியான மனநிலை இது.

இக்காலத்தில் இந்த அமைதியான மனநிலையை நாம் சிறிது சிறிதாக இழந்து வருகிறோம். நமக்குச் செய்ய வேண்டிய காரியங்கள் நிறைய இருக்கின்றன. முந்த வேண்டிய ஆட்கள் நிறைய இருக்கிறார்கள். கவனிக்க வேண்டிய கவலைகள் ஏராளம் இருக்கின்றன. பிரச்னைகள், நேரக்குறைவு போன்றவை வேறு இருக்கின்றன. இப்படி இருக்கையில் அமைதியான மனநிலை எப்படிக் கிடைக்கும் என்ற கேள்வி எழலாம்.

ஆனால் எந்தக் காரணங்களுக்காக அமைதியான, ரிலாக்ஸான மனநிலை சாத்தியமில்லை என்று நினைக்கிறோமோ அந்தக் காரணங்களை முறையாகக் கையாள பீட்டா அலைவரிசையை விட ஆல்ஃபா அலைவரிசை தான் சிறந்தது என்று ஆராய்ச்சிகள் கூறுகின்றன. பீட்டா அலைவரிசையில் இருக்கும் போது நம் சக்திகள் மிக அதிக அளவு விரயமாகின்றன. அப்படி விரயம் செய்து நாம் சாதிப்பதோ மிகக் குறைவாகவாகத் தான் இருக்கும்.

ஏனென்றால் பார்வைக்கு மிகவும் சுறுசுறுப்பாகவும் அதிவேகமாகவும் செயல்கள் நடைபெறுவது போல் தோன்றினாலும் பீட்டா அலைவரிசையில் தேவை இல்லாத பரபரப்பில் தான் நம் சக்திகள் அதிகம் வீணாகின்றன. ஐன்ஸ்டீன் போன்ற விஞ்ஞானிகளே சிரமமான விஞ்ஞானக் கண்டுபிடிப்புகளையும் ஆல்ஃபா அலைவரிசையில் செய்து வெற்றி பெற்றிருக்கிறார்கள் என்றால் நம்மைப் போன்றவர்கள் அதைப் பின்பற்றுவதல்லவா புத்திசாலித்தனம்.

முதலில் தினந்தோறும் அதிகாலை அரை மணி நேரமும், இரவு அரை மணி நேரமுமாவது அமைதியாக இருக்க முயற்சி செய்யுங்கள்.

அமைதியான ஒரு இடத்தில் அமருங்கள். இயற்கையழகு நிறைந்த இடமாகவோ, ஜனசந்தடி அதிகம் இல்லாத இடமாகவோ இருந்தால் மிக நல்லது.

இல்லாவிட்டால் தனியாக ஒரு அறையில் அமர்ந்து கொள்ளுங்கள்.
இசைப்பிரியராக இருந்தால் வார்த்தைகள் இல்லாத இசையைக் கூட நீங்கள் இருக்கும் இடத்தில் தவழ விடலாம். வார்த்தைகள் கலந்த இசையானால் அந்த வார்த்தைகளின் பொருள், அதன் சம்பந்தப்பட்ட விஷயங்கள் என்று மனம் தீவிரமாக செயல்பட்டு பீட்டா அலைகளுக்குப் போய் விட வாய்ப்பு அதிகம். சிறிது நேரம் உங்கள் மூச்சில் கவனம் வையுங்கள். உள்ளிழுக்கும் காற்று, வெளியே விடும் காற்று இரண்டிலும் கவனம் வையுங்கள்.

நீங்களாக எந்த மாற்றத்தையும் மூச்சில் கூடக் கொண்டு வர முயற்சிக்காதீர்
கள். குறிப்பாக எதைப் பற்றியும் சீரியஸாக நினைக்காதீர்கள். மூச்சு ஒரே சீராக மாற ஆரம்பிக்கும். இயற்கையழகு நிறைந்த சூழ்நிலையில் இருந்தால் அந்த அழகை ரசிக்க ஆரம்பியுங்கள்.
நீங்கள் இருப்பது உங்கள் அறையில் தான் என்றால் கண்களை மூடிக் கொண்டு நீங்கள் மிகவும் ரசிக்கும் இயற்கை சூழ்நிலையை உங்கள் கற்பனையில் வரவழைத்துக் கொள்ளுங்கள். மலைச்சாரல், நதிக்கரை அல்லது கடற்கரை போன்ற ஏதாவது இடத்தில் நீங்கள் இருப்பதாக நினைத்துக் கொண்டு ரசியுங்கள்.

மூச்சு சீராகி, மனமும் அமைதியடையும் போது ஆல்ஃபா அலைகளில் இருக்க ஆரம்பிக்கிறோம். ஆழ்மன சக்திகள் அடைவது உட்பட எந்த தீவிரமான சிந்தனையும் இந்த நேரத்தில் வேண்டாம். இப்போதைய ஒரே குறிக்கோள் ஆல்ஃபா அலைகளில் பயணிப்பது தான். அந்த அலைவரிசைக்கு நம் விருப்பப்படி தினமும் போய் வருவது தான்.

சிலருக்கு ஆரம்பத்தில் உறக்கமே வரலாம். பரவாயில்லை. இயற்கைச் சூழலுக்குப் போக முடியவில்லை, எனக்கு கற்பனையும் வராது என்றாலும் பராயில்லை. அப்படிப்பட்டவர்கள் மூச்சின் சீரான போக்கில் மட்டும் கவனம் வையுங்கள்.

தொடரும்.

மனிதன் தன்னிடம் இருக்கும் தீய எண்ணம் என்ற குதிரையை வாழ்வில் இருந்து விரட்டி விடுகிறானோ, அப்பொழுதே எங்களின் சுத்தப் படுத்தும் கடமை முடிந்து விடும்,

 📚📚📚📚📚📚📚📚📚📚

*✍️துறவி ஒருவர் ஒரு ஊருக்கு சென்றார்.*

*பலர் வந்து அவரை தரிசித்து ஆசி பெற்று சென்றனர்.*

*இளைஞன் ஒருவன் வந்தான்*

*"சாமி எனக்கு ஒரு சந்தேகம் ” உங்களைப் போன்று பல ஞானிகளும் பெரியோர்களும் வந்து மனித குலத்திற்கு பல அறிவுரைகள் சொல்லியுள்ளனர்.*

*ஆனால் இன்றும் மனிதன் தீய வழியில் தான் செல்கிறான் , உங்களைப் போன்றவர்களின் அறிவுரைகளால் என்ன பயன்......??? என்று கேட்டான்.*

*துறவி அவனிடம் சொன்னார்......*

*தம்பி நான் இன்னும் சில நாட்கள் இங்கே தான் தங்கி இருப்பேன், நான் இந்த ஊரை விட்டு செல்லும் பொழுது நீ கேட்ட கேள்விக்கு பதில் சொல்கிறேன் , அதற்கு முன் ஒரு வேலை செய்.*

*"ஒரு குதிரையை கொண்டு வந்து இந்த கோயில் மண்டபத்தில் கட்டி வை.*

*நான் ஊரைவிட்டு செல்லும் வரை குதிரை அங்கே கட்டி இருக்கட்டும்.*

*தினமும் இரவு அதற்கு உணவு வைத்து விடு" என்று சொல்லி விட்டு அருகில் உள்ள சத்திரத்துக்கு சென்றார்.*

*மறுநாள் காலை துறவி அந்த கோயில் மண்டபத்திற்கு வந்தார்.*

*அப்பொழுது அந்த இளைஞன் அந்த குதிரையை சுத்தி இருந்த சாணத்தையும், அது மிச்சம் வைத்த உணவு குப்பைகளையும் சுத்தப்படுத்திக் கொண்டு இருந்தான்.*

*இவ்வாறு நான்கு நாட்கள் தொடர்ந்து நடந்தன.*

*அடுத்த நாள் காலை சுத்தப்படுத்திக் கொண்டிருந்த இளைஞர் கிட்டே வந்தார் துறவி.*

*இன்று சுத்தப் படுத்தினாலும் இந்த இடத்தை குதிரை மீண்டும் மீண்டும் அசுத்தம் செய்து விடுகின்றதே பிறகு ஏன் தேவை இல்லாமல் சுத்தம் செய்கிறாய்.......??? என்று கேட்டார்.*

*அதற்கு அவன், என்ன சாமி எல்லாம் தெரிஞ்ச நீங்க இப்படி கேட்க ரீங்க.....???*

*திரும்ப திரும்ப அசுத்தம் ஆவுதுனு சுத்தப்படுத்தாம இருக்க முடியுமா....???*

*இதை கேட்ட துறவி அப்போது சொன்னார் "தம்பி அன்று நீ என்னிடம் கேட்ட கேள்விக்கு இதுதான் பதில்.*

*நீ இப்போது செய்யும் வேலையைத் தான் நானும் செய்கிறேன் , அசுத்தமான இடத்தை நீ மீண்டும் மீண்டும் சுத்தம் செய்வது போல் , மனிதர்களை நல்வழி படுத்தும் செயலை பெரியோர்கள் இடைவிடாமல் செய்வார்கள்.*

*இளைஞன் கேட்டான்” சாமி இதற்கு நிறந்தர தீர்வு என்ன....???*

*அவர் உடனே அங்கு கட்டி இருந்த குதிரையை அவிழ்த்து விட்டு விரட்டினார், பின்பு அந்த இளைஞனைப் பார்த்துக் கேட்டார்*

*“இனி இந்த இடம் அசுத்தம் ஆகுமா......???*

*ஆகாது சாமி. என்றான்.*

*துறவி கூறினார் ” உன் கேள்விக்கு இதான் பதில்.*

*நீ செய்த வேலையைப் போல் நாங்கள் மீண்டும் மீண்டும் சுத்தப்படுத்திக் கொண்டு இருக்கிறோம்.*

*இப்பொழுது நான் செய்த வேலையைப் போல் என்று மனிதன் தன்னிடம் இருக்கும் தீய எண்ணம் என்ற குதிரையை வாழ்வில் இருந்து விரட்டி விடுகிறானோ, அப்பொழுதே எங்களின் சுத்தப் படுத்தும் கடமை முடிந்து விடும், அன்று வரை மனிதனை நன்னெறி படுத்துவது ஆன்மிகத்தின் கடமை என்றார்........!!!*

https://chat.whatsapp.com/DzfAzMI3ahEKDv6gbPY91T?mode=ems_copy_t

📚📚📚📚📚📚📚📚📚📚📚

வாழ்விலே... புனிதம்

📚📚📚📚📚📚📚📚📚📚

*✍️கபீர்தாஸ்*✍️

*🪄வாழ்விலே... புனிதம்*

*கபீர்தாஸ் ஒரு சமயம் கங்கை நதியில் நீராடிக் கொண்டிருந்தார். அப்போது புரோகிதர்கள் மூவர் அங்கு வந்தனர். படித்துறையில் வெள்ளம் அதிகமாக இருக்கவே*

*ஒரு சொம்பு இருந்தால் நீரை மொண்டு குளிக்கலாம். ஆனால் நம்மிடம் இல்லையே” என வருத்தமாகப் பேசிக்கொண்டிருந்தனர்.*

*இதைக் கேட்ட கபீர்தாசர் தன்னிடமிருந்த சொம்பை கங்கைக்கரை மணலால் துலக்கி கங்கை நீரால் கழுவி புரோகிதர்களிடம் கொடுத்தார்.*

*ஆனால் அவர்களோ கபீர்தாசரின் நெசவுத்தொழிலைச் சுட்டிக்காட்டி அந்தச் சொம்பைத் தாங்கள் உபயோகிக்க இயலாது என்றனர்.* 

*கபீர்தாசரோ தான் சொம்பை கங்கைக்கரை மணலாலும் கங்கை நீராலும் சுத்தம் செய்ததைக் கூறி தமது சொம்பை உபயோகிக்கும்படி வேண்டினார்.*

*புரோகிதர்களோ அவர் சொம்பை மறுபடியும் தொட்டுவிட்டதால் அது அதன் புனிதத்தன்மையை இழந்துவிட்டதாகக் கூறினர்.*

*கபீர்தாசர் புரோகிதர்களின் பேச்சால் வருத்தப்படாது சாந்தமாக* 

*அப்படியானால் நீங்கள் வேறொரு கங்கையை வரவழைத்துத்தான்  நீராட வேண்டியிருக்கும்” என்றார்.*

*இதைக்கேட்ட புரோகிதர்கள் வியப்புடன் ஏன் எனக் கேட்க..* 

*"கபீர்தாசர் “*

*ஏனெனில் இந்தக் கங்கையில் உங்களுக்கு முன்பாக நான் குளித்து விட்டேன் எனவே இதுவும் புனிதம் கெட்டு விட்டிருக்கலாம் அல்லவா?” என்றார் .*

*புரோகிதர்கள் வெட்கி தலை குனிந்தனர்.*

📚📚📚📚📚📚📚📚📚📚

முடியும் வரை அல்ல, உங்கள் நியாயமான இலக்கினை அடையும் வரை.

 ♎எளிமையான தியானம்.

எல்லோரும் செய்யலாம்.

தவம் :

அமைதியான இடத்தில்
இயல்பாக அமருங்கள்.

கீழே அமர்ந்தால் சிறப்பு. முடியாதவர்கள் நாற்காலியில் அமர்ந்து கொள்ளலாம்.

Relax your mind
Relax your body.

இயல்பாக, தளர்வாக புற உலக சிந்தனைகளை தற்காலிமாக தவிர்த்து,

உங்கள் இயல்பான மூச்சை சிறிது நேரம் கவனியுங்கள்.

தியானத்திற்கு தயார் ஆகிவிட்டீர்கள்.

பிரமாண்டமான பிரபஞ்சத்தை நினைவு கூறுங்கள்.

அந்த பிரஞ்சத்திலிருந்து அபரிதமான சக்தி பனிப்படலம் போல வெண்மையாக உங்கள் உச்சந்தலையின் மூலமாக உடலில் இறங்குவதாக பாவனை செய்யுங்கள்.

ஏனோ தானோவென்று எண்ணங்களை எங்கேயோ ஓடவிட்டு,

போனால் போகிறதென்று பாவனை செய்யக் கூடாது.

உங்கள் முழுகவனமும் பிரபஞ்சசக்தி உங்கள் உடலில் மென்மையாக இறங்குகிறது என்று

மனப்பூர்வமாக
நம்ப வேண்டும்.

பிரபஞ்ச சக்தியை எவ்வாறு உணர்வது

உங்கள் உள்ளங்கைகள் இரண்டையும் நேருக்கு நேராக 3 "தூரத்தில் வைத்து, கவனியுங்கள்.

விறுவிறுவென்று ஒரு மெல்லிய உணர்வு இரு உள்ளங்கைகளில் உணர்வீர்கள். இது நம் உடலில் உள்ள உயிர் துகள்களின் சுழற்சியால் வரும் ஜீவகாந்த சக்தி.

இதே போன்ற உணர்வை, பிரபஞ்ச சக்தி நம் உச்சந்தலை மூலமாக நம் உடலில் நுழையும் போது உணரலாம்.

இந்த இடம் Pineal gland.ஸகஸ்ரார சக்கரம் என்று சொல்வார்கள்.

நுழைந்த பிரபஞ்ச சக்தி, மெல்ல தலைமுழுவதும் விறு விறுவென்று பரவுகிறது.

பின் கழுத்து, பின் கைகள், கை விரல்கள் வரை பரவுகிறது. மெதுவாக நிதானமாக ஒவ்வொரு உறுப்பிலும் கவனம் செலுத்தி,

(குறைந்தது ஒரு நிமிடம்)உங்கள் மனம் ஒன்றினால், பிரபஞ்ச சக்தியை நன்கு உணரலாம்.

பின் மார்பு,மேல் வயிறு, அடிவயிறு, இடுப்பு அதனை சார்ந்த உறுப்புகள், பின் தொடைகள், மூட்டுகள், கணுக்கால், இறுதியாக பாதம் வரை பரவுவதாக உணருங்கள்.

மெல்ல ஒவ்வொரு உறுப்பாக, நிதானமாக செய்ய வேண்டும். பத்து நிமிடமாவது எடுத்து கொள்ளுங்கள்.

உடல் முழுவதும் பிரபஞ்ச சக்தி உணர்வாய் உணர்வீர்கள்.

ஒவ்வொரு ரத்தக்குழாயும், நரம்புகளும், தசைகள் எல்லாம் நீக்கமற பிரபஞ்ச சக்தி பரவி இருப்பதாக உணருங்கள்.

உங்கள் உடலில் நோய்வாய்பட்ட உறுப்புகள் ஏதேனும் இருந்தால்,

Liver, Thyroid, Pancreas, Heart, Lungs அதன் மீது கவனம் செல்லத்துங்கள்.

நோய்களுக்கு சம்பந்தப்பட்ட உறுப்புகளுக்கு அதிக சக்தி பரவி,

அங்குள்ள அணுஅடுக்குகள் சீராகி உடல் நலம் பெறுகிறது என்று மனப்பூர்வமாக நினையுங்கள்.

Sub Conscious Mindல்

இந்த உணர்வுகள் பதியும். விரைவில் உடல் தன்னைத்தானே சரி செய்து கொள்ளும் ஆற்றலை பிரபஞ்ச சக்தி மூலமாக  பெறும்.

சுமார் 15 நிமிடம். பிரபஞ்ச சக்தி வெண்மை நிறத்தில் பனிப்படலம் போல தலை வழியாக ஊடுருவதாக ஆரம்பத்தில் பாவனை செய்யுங்கள்..

உடல் முழுவதும் அந்த வெண்மை  நிற ஆற்றல் பரவுவதாக கற்பனை செய்து கொள்ளுங்கள்.

15 நிமிட தவத்திற்கு பிறகு, உங்கள் உடலும், மனமும் புத்துணர்ச்சி அடைந்து இருப்பதை உணர்வீர்கள்.

காலை மாலை இருவேளையும் செய்யலாம்.

நாள் முழுவதும் சுறுசுறுப்பாக இருக்கும்.
இரவில் நிலவில் கனவில்

ஆழ்ந்த உறக்கம் வரும்.

அடுத்து

எண்ணங்கள்
எண்ணங்கள்
எண்ணங்கள்

எண்ணங்கள் மிகவும் வலிமையானவை.
ஒரு முறை எண்ணிய உடனேயே

அந்த எண்ணம் சக்தி படைத்ததாக மாறி விடுவதில்லை.

ஒரு எண்ணம் திரும்பத் திரும்ப எண்ணப்படும் போது

அது சக்தி பெற ஆரம்பிக்கிறது.

அந்த சக்தி அதை செயல்படுத்தத் தூண்டுகிறது.

நான் உன்
நண்பேன்டா என்று

ஆயிரம் முறை சொன்னால்
யானையும்
வசப்படும்" என்பர் பெரியோர்.

அதனால் தான் ஆலயங்களில் லட்ச்சார்ச்சனை, கோடியர்ச்சனை போன்றவைகள் நிகழ்கின்றன.

எண்ணங்களின் சக்தி அதே எண்ணங்கள் கொண்டவர்களை தன் பக்கம் ஈர்க்கிறது.

மேலும் வலுப்பெறுகிறது.

அது அலைகளாகப் பலரையும் பாதிக்கிறது.

பலரையும் செயலுக்குத் தூண்டுகிறது.

எண்ணங்களை பிரம்மாக்கள் எனலாம். காரணம் அவை எண்ணியதை உருவாக்கும் சக்தி படைத்தவை.

ஒரு எண்ணம் செயலாக முடியாமல் போகிறதென்றால்

அதை விட சக்தி வாய்ந்த வேறொரு எண்ணம் அதனுடனேயே இருந்து போராடி

அதனைப் பலமிழக்க வைத்திருக்கிறது என்று பொருள்.

எனவே நம் மனதில் அதிகமாக மேலோங்கி நிற்கும் எண்ணங்கள் எவையோ,

அவையே இன்று நம்மை இந்த நிலைக்குக் கொண்டு சேர்த்த பெருமை உடையவை.

நம்முடைய இன்றைய நிலை திருப்திகரமாக இல்லையென்றால்

முதலில் நம் எண்ணங்களை மாற்றவேண்டும்.

எண்ணங்கள் மாறுகிற போது அதற்கேற்ப எல்லாமே மாறும்.

இது மாறாத உண்மை.                               

பொறுமையைவிட மேலான தவமுமில்லை.திருப்தியை விட மேலான இன்பமுமில்லை.இரக்கத்தை விட உயர்ந்த அறமுமில்லை.மன்னித்தலை விட ஆற்றல் மிக்க ஆயுதமில்லை…

தோல்விகள் சூழ்ந்தாலும். இருளை விலக்கும் கதிரவன் போல அதனை நீக்கி

அடுத்தடுத்த வெற்றி படியில் கால் அடி எடுத்து வையுங்கள்.

முடியும் வரை அல்ல, உங்கள் நியாயமான இலக்கினை அடையும் வரை.

கோ சேவை.--ரமண மகரிஷி :-

 ♦️♦️♦️ கோ சேவையை மறந்து ஆயிரம் ஆயிரம் நோய்பிடித்து அலையும் இன்றைய  தலைமுறைக்கு :

நண்பரின் பதிவிலிருந்து......

         ரமண மகரிஷி :-

        ~~~~~~~~~~

சேவைகளுக்கெல்லாம் சிகரம் போன்றது கோ-சேவை. 

**கோ-சேவை செய்ய வாய்ப்பு கிடைத்தால் அதை விடவே கூடாது. 

தயங்கவும் கூடாது. 

** பசுக்களின் மூச்சு காற்று நம் மீது படுவது சௌபாக்கியங்களில் ஒன்று என்பது தெரியுமா?

ரமண மகரிஷியை தேடி ஒரு முறை ஒரு செல்வந்தர் வந்தார். 

வட்டிக்கு விட்டு பணம் சம்பாதிப்பவர் அவர். சரியான கருமி. 

அவருக்கு உடலெங்கும் வெள்ளை வெள்ளையாய் படை போன்று வந்திருந்தது. 

எத்தனை எத்தனை பெரிய வைத்தியர்களிடம், 

ஸ்கின் ஸ்பெஷலிஸ்ட்டுகளிடம் காட்டியும் நோய் தீரவில்லை. 

ஒரு கட்டத்தில் ஆடையே உடுத்த முடியாத அளவு நோயின் தீவிரம் அதிகமானது. 

எரிச்சலிலும் வலியிலும் துடித்தார்.

ரமணரை போய் பார்த்தால் ஏதாவது தீர்வு சொல்வார் என்று யாரோ சொல்ல ரமணரை நாடி திருவண்ணாமலை வந்தார்.

பகவான் ரமணர் அவரை பார்த்து, 

“நீ வட்டிக்கு விடுவதை முதலில் நிறுத்து. 

உன்னிடம் உள்ள செல்வத்தை கொண்டு ஏழை எளியோருக்கு தான தர்மங்கள் செய். 

ஆஸ்ரமத்தில் உள்ள கோ-சாலையில் ஒரு மண்டலம் வேலை செய். 

பசுக்களை குளிப்பாட்டு,

சாணத்தை அள்ளிப்போடு, 

கோ-சாலையை சுத்தம் செய்!” 

என்றார்.

செல்வந்தரும் சந்தோஷமாக ஒப்புக்கொண்டு, 

ஆஸ்ரமத்தின், . . .

கோ-சாலையில் வேலை செய்ய ஆரம்பித்தார். 

சரியாக, 48 நாள் கழித்து பார்த்தபோது ,

அவரது உடலில் தோல் நோய் இருந்த தடயமே மறைந்து போய் அவருக்கு பரிபூரணமாக குணமாகியிருந்தது.

பசுவின் சாணம், 

கோமியம் ,

ஆகியவை நம் மேல்படுவது, 

பசுக்களின் மூச்சுக் காற்றை நாம் சுவாசிப்பதும், 

சஞ்சீவனியை விட சிறந்த மருந்து என்பது ரமணருக்கு தெரியாதா என்ன? 

தீராத தோல் நோய் உள்ளவர்கள், 

உங்கள் அந்தஸ்தை தூக்கி தூர போட்டுவிட்டு, 

ஏதேனும் கோ-சாலையில் தினசரி இரண்டு மணிநேரம் துப்புரவு பணியை செய்து பாருங்கள். 

""கோ-சேவையின் மகத்துவம் புரியும்.""

அனைத்து உயிரனங்களுக்கும் தோஷம் உண்டு. 

**ஆனால் தோஷமே இல்லாத ஒரே உயிரினம் பசு மட்டுமே. 

ஒரு பசுவை ஒருநாள் பார்த்துக்கொண்டிருந்தாலும் தொழுவத்தில் இருந்தாலும், 

பார்ப்பவருக்கு பிரம்ம ஹத்தி முதலிய தோஷங்கள் விலகிவிடும் என்பது ஐதீகம். 

பிரம்மஹத்தி தோஷமே விலகும்போது சாதாரண தோல் நோய் குணமாகாதா?

 * காலையில் எழுந்தவுடன் யாருடனும் பேசாமல், 

கீழ்கண்ட மந்திரத்தை கூறி பசுவுக்கு ஒரு பிடி புல் கொடுத்தால் ,

புத்திரப் பேறு கிடைக்காத பெண்ணுக்கு சந்தான பாக்கியம் கிடைக்கும்.

🙏 சர்வ காமதுகே தேவி சர்வ தீர்த்தாபிஷேசினி

பாவனே சுரபி சிரேஷ்டே தேவி துப்யம் நமோஸ்துதே.🙏

* பகவான் கோப்ராம்மணாசுதர் எனப்படுகிறார். 

கோவின் பாதத்துளி நம் உடலில் பட்டால் வாநவியஸ்நானம் செய்த பலன் கிட்டும். 

கோதுளிபட்ட அன்னத்தைச் சாப்பிடாது தூக்கி எறிந்ததால், 

சிறந்த சன்னியாசியாகிய வைசிகன் சண்டாளனாகப் பிறந்தான். 

கோவுக்குப் பணிவிடை செய்து திலீப மகாராஜன் ரகுவைப் பெற்றான்.

பசு காயத்ரீ மந்திரம்:-

~~~~~~~~~~~~~

ஓம் பசுபதயேச வித்மஹே

மகா தேவாய தீ மஹி

தந்தோ பசுதேவி: ப்ரசோதயாத்.

* 1 பசுவுக்கு ஒரு நாள் தண்ணீர் தந்தவன் ,

அவன் நம் முன்னோர்கள் 7 தலை முறையைக் கரை ஏற்றி விடுவான். நாட்டுப் பசுவினம் காக்க உதவிப் பயனடையுங்கள்,,

🍌"அழுகிய வாழைப்பழம் !"*

 🍌"அழுகிய வாழைப்பழம் !"* 

🙏📚📚📚📚📚📚📚📚📚🙏

*ஸ்ரீராமஜயம்*

*குருவருள் ஒன்றே கதி*- 🌹

*🍌"அழுகிய வாழைப்பழம் !"* என்கிற கீழ் கண்ட ஸந்த் துகாராம்‌ மஹராஜ் அவர்களது வாழ்க்கையில் நடந்த நிகழ்வு ஒரு உதாரணமாக நான் உணர்கிறேன்...*

*"நான் கண் மூடுவதற்குள், எப்படியாவது என் மகனுக்கு/மகளுக்கு உடனே திருமணம் ஆகிவிடவேண்டும்" என்று பலர் என்னிடம் கேட்பார்கள்..  திருமணம் ஆகவில்லையே என்கிற ஆதங்கத்தில், மனம் வருந்தி, சிலர் மன விம்மல்களோடு அழுது கூட முறையிட்டு, உடனே திருமணம் ஆக வழி வகை கேட்டவர்கள் ஏராளம்..*

*பகவானே இவர்களுக்கு ஒரு வழி காட்டக்கூடாதா என்று வேண்டிக்கொண்டு பல சித்தர் ஒலை சுவடி மற்றும் சித்தர்கள் பற்றிய புத்தகங்களில் கூறிய விவரங்களை ஆராய்ச்சி செய்து, கண்டுபிடித்து, அது நல்ல பலன்களை தருகிறதா என்று ஒரு சிலருக்கு தந்து ஆராய்ச்சி செய்து.. அனுபவரீதியாக அந்த முறைகளை பலருக்கும் எடுத்துக்கூறி பலன் பெறுங்கள் என்று கூறியும்.. ஒரு சிலரே அவற்றை கெட்டியாக பிடித்துக்கொண்டு பலன் அடைகிறார்கள்..  நான் பகவானிடம் ஏன் இப்படி அனைவருக்கும் பலன் கிடைக்கவில்லை என்று கேட்கும்போது. அவர் என்னைப்பார்த்து அழகாக சிரிப்பதாகத்தான் தோன்றுகிறது... (கர்மா வச்சு செய்யும்).. ஆனாலும் இப்பவும் மிகுந்த நம்பிக்கையோடு பல வழிமுறைகளைக் கூறி பயன்பெறுங்கள் என்று கூறிக்கொண்டே இருக்கிறேன்... கீழ் கண்ட ஸந்த் துகாராம்‌ மஹராஜ் கதையை ஒரு உதாரணமாக நான் உணர்கிறேன்...*

*ஸந்த் துகாராம்‌ மஹராஜ் தினமும் கீர்த்தனம்‌ செய்வார். அவரது கீர்த்தனத்தைக் கேட்க ஏராளமானோர் கூடுவர். எளிமையான மொழியில் அவர் விட்டலனைப் பாடுவார். ஏராளமானோர் வாங்கிப் பாடுவதோடு, நாள் முழுதும் வேலை செய்யும்போதும் அவரது அபங்கங்கள் அவர்களது நாவை விட்டகலாது. ஒரு மஹாத்மாவின் முன்னிலையில் மனம் அடங்குவதால் அவர் முன்னால் சென்றதுமே மனதில் சாந்தி ஏற்படும்.*

*ஒரு தனவந்தர் துகாராம் மஹராஜைப் பற்றிக் கேள்விப்பட்டு ஏதோ ஒரு ப்ரச்சனையிலிருந்து விடுபடுவதற்காக அவரது வீட்டிற்குச் சென்றார். இவர் சென்ற சமயம், துகாராம் மிகவும் உருக்கமாக நாம ஸங்கீர்த்தனம்‌ செய்து கொண்டிருந்தார். செல்வந்தர் போன காரியத்தை மறந்து, தன்னையும்‌ மறந்து துகாராம் மஹராஜின் மதுரமான குரலிலும், கீர்த்தனத்திலும்‌ ஈடுபட்டார். ஸத்சங்கம் முடிந்து அனைவரும் சென்றதும், இந்த செல்வந்தர் துகாராமின் அருகில் சென்று வணங்கினார். இவ்வளவு அற்புதமான ஒரு மஹானை தரிசிப்பது அரிது. இவரிடம் உலக வாழ்க்கையைப் பற்றிக் கேட்பது பிழை என்று எண்ணினார். எனவே, எனக்கு ஞானம் வேண்டும். அனுக்ரஹம் செய்யுங்கள் என்று கேட்டார்.*

*அவர் கேட்ட விதத்தைப் பார்த்து துகாராமால் எதுவும் சொல்ல முடியவில்லை. அவருக்கு அனுக்ரஹம் செய்ய எண்ணி அங்குமிங்கும் பார்த்தார். பக்கத்தில்‌ கருப்பாக அழுகிய ஒரு வாழைப்பழம் இருந்தது. அதை எடுத்து அவரிடம் கொடுத்துத் தலையசைத்தார்.*

*செல்வந்தருக்கு சப்பென்றாகிவிட்டது. ஞானத்தைக் கேட்டால், ஏதாவது மந்திரோபதேசம் செய்வார் என்று பார்த்தால், அழுகிய வாழைப்பழத்தைக் கொடுத்து விட்டாரே என்று கோபம்‌ கோபமாய் வந்தது. நமது கௌரவத்தை விட்டுக்‌கேட்டால் இப்படி ஆகிவிட்டதே என்று வருந்தினார். என்றாலும் அதை வாங்கிக்கொண்டு வெளியில் வந்துவிட்டார்.  அதைப் பார்க்க பார்க்க தன்னை அவமானப்படுத்திவிட்டதாய் எண்ணி கோபம்‌அதிகமாயிற்று.*

*வாசலில் வந்ததும் தூக்கிப் போட்டுவிடலாம் என்று நினைத்தார். அப்போது அங்கு ஒருவர் சாக்கடையை சுத்தம் செய்து கொண்டிருந்தார். அவரிடம் அந்த அழுகிய வாழைப்பழத்தைக் கொடுத்து விட்டார்.*

*சாக்கடை தள்ளுபவருக்கோ நல்ல பசி. வினயத்தோடு அதை வாங்கிக்கொண்டு உடனே உண்டும் விட்டார். அவ்வளவுதான். அந்தக் கணமே சாக்கடை அள்ளுபவருக்கு ஞானம்‌ சித்தித்துவிட்டது.*

*அப்படியே அனைத்தையும் விட்டுவிட்டு பழம் கொடுத்த செல்வந்தரை வணங்கிப் பாட ஆரம்பித்தார். அவர் பெயர் ஸாந்தீச்வர் மஹராஜ்..*

*குருத்யாயீ குருத்யாயீ குரு பரதே ஸாதன நாஹி*

*கேலே ஸத்குரு பூஜன ஹேம்சி மாஜே அனுஷ்டான*

*குரு ஸேவா சா ஸங்கல்ப ஹேம்சி மாஜே பூரண தப*

*ஸாந்தீச்வர சாங்கே வர்ம  குருதோசீ  பரப்ரும்ம*

*ஒரு மஹாத்மாவின் கடாக்ஷம்,*

*ஸ்மரணம்,* 

*ஸ்பர்சம்* *இவற்றாலேயே ஒரு பொருளுக்கு மஹத்துவம் வந்துவிடுகிறது. மேலும், குருவுக்கு அனுக்ரஹம் செய்ய ஒரு பொருளும் தேவையில்லை. ஒரு அழுகிய வாழைப்பழத்தின் மூலமாகக் கூட, அவரால் ஞானத்தைக் கொடுத்து விட முடியும்.🌹*

*மன நெகிழ்ச்சியுடன் கோகி-🙏 புது தில்லியிலிருந்து...*

https://chat.whatsapp.com/DzfAzMI3ahEKDv6gbPY91T

🙏📚📚📚📚📚📚📚📚📚🙏

வாசி யோகம் "கோட்டுவாய்

 *வாசி யோகம் "கோட்டுவாய்" விடும்போது ஏற்படும் என்கிற அரிதான காட்சி இது... மனிதன், விலங்குகளுக்கும் ஏற்படும் அறியதான வாசியோகம் பற்றி நமது சித்தயோக பயிற்சி பாடம்-16,18,19- பாடங்களில் கூறியிருக்கிறேன்...*

கோகி

"தியானம் என்றால் என்ன?"

     

*Meditation தியானம்

தியான வகுப்புக்கு வந்த மாணவர் ஒருவர்... "தியானம் என்றால் என்ன?" என்று சற்றும் பயமில்லாமல் கேட்டுவிட்டு அதற்குண்டான பதிலை எதிர்பார்த்து காத்திருந்தான்...

எந்தவித எண்ணங்களும் இல்லாமல் இருப்பதுதான் "தியானம்"... ஆகா அதையே தொடர்ந்து கவனமாகக் கொண்டால் வேறு எண்ணங்களே வராது... தியானம் ஒரு கவனமாக மலர வேண்டும், பின் ஒரு நாளின் 24 மணி நேரமும் கவனிப்பது சாத்தியமாகும். தூங்கப் போகும் போது கூட கவனி. தூக்கம் உன்னை ஆட் கொள்ளும் கடைசி விநாடி வரை கவனமாகப் பார்.

இருள் அடர்ந்து கொண்டே போகும், உடல் தளர்வடையும், நீ விழிப்பிலிருந்து தூக்கத்தினுள் விழும் ஒரு கட்டம் வரும் – அந்த கணம் வரை பார். பின் காலையில் முதல் விஷயமாக, தூக்கத்திலிருந்து எழுந்து விட்டோம் என நீ உணர்ந்த கணமே கவனிக்க ஆரம்பித்து விடு. பின் விரைவிலேயே தூக்கத்தில் நீ இருக்கும் போது கூட கவனிக்க ஆரம்பித்து விடுவாய்.

கவனித்துப் பாரத்துக் கொண்டிருப்பது என்பது இரவும் பகலும் உன்னுள் எரிந்து கொண்டிருக்கும் ஒரு தீபமாகட்டும். இதுதான் உண்மையான ஆணித்தரமான தியானமாகும். மற்ற எல்லாமே தியானம் என்ற பெயரில், நீ ஏதோ ஆன்மீக சம்பந்தமானது செய்து கொண்டிருக்கிறாய் என உன்னை ஏமாற்றும், நீ விளையாட கொடுக்கப்பட்ட ஒரு பொம்மைதான்.

இந்த உண்மையான தியானத்தில் நீ தவிர்க்க இயலாததையும் தாண்டி வந்து விடுவாய். பொய்யான யாவும் காணாமல் போய்விடும்.

ஆனால் பிரபஞ்சத்தில் உள்ள யாவும் பொய்யானது அல்ல. எது பொய்யானது இல்லையோ அது தவிர்க்க இயலாதது. தவிர்க்க இயலாததை நீ என்ன செய்யப் போகிறாய். நீ அதைப் பற்றி நினைத்துக்கூட பார்த்திருக்க மாட்டாய். அந்த தவிர்க்க இயலாதது தான் தியானம்.

தவிர்க்க முடியாததை பார்த்துக் கொண்டே இருந்தாயானால் பொய்யானது தானாகவே கரைந்து போய் விடுவதை தெளிவாக காண்பாய். உனது பொய்யான கனவுகளின், ஆசை மேகத்தின் பின்னால் மறைந்து இருந்த உண்மையான விஷயம் இப்போது தெளிவாக, மேலும் அதிக தெளிவுடன் உன் முன் நிற்பதை காண்பாய்.

நீங்கள் தூங்கும் பொழுது உங்கள் மனம் எங்கே இருக்கிறது

    

*Meditation தியானம்

"நீங்கள் தூங்கும் பொழுது உங்கள் மனம் எங்கே இருக்கிறது?"

உங்கள் உடல் மனமற்ற நிலையில் அப்பொழுது இயங்கிக் கொண்டிருக்கிறது ...

உங்கள் உடல் உண்ட உணவை ஜீரணம் செய்கிறது ...

தேவையில்லாத கழிவுகளை வெளியே தள்ளி விடுகிறது ...

இதற்கு உங்கள் மனம் தேவை இல்லை மனதின் உதவி தேவையில்லாமலே ...

உடல் தன்னைக் காத்துக் கொள்ளக் கூடிய அளவுக்கு புத்திசாலித்தனம் உடையது ...

தனக்கு எல்லாம் தெரியும் என்பது போல் மனம் செயல்படுவதை கவனியுங்கள் ...

நீங்கள் சாப்பிடுகிறீர்கள் அதை எப்படி ஜீரணிக்க வேண்டும் என்று உடல் மனதைக் கேட்பதில்லை ...

அந்த வேலையை உடல் மிகச் சுலபமாக செய்து கொண்டு இருக்கிறது ...

இந்த உடல் காற்றிலிருந்தும் தனக்கு தேவையான பிராணவாயுவை எடுத்துக் கொள்ளதெரிந்திருக்கிறது ...

மனம் என்ற ஒன்று இல்லாமல் இந்த மரங்கள் செடிகள் விலங்குகள் எல்லாம் மிக ஆரோக்கியமாக இருக்கின்றன ...

வாழ்வின் எல்லா நிகழ்ச்சிகளுக்கும் தான்தான் காரணம் என்று மனம் சொல்லிக் கொள்கிறது ...

புல் மீண்டும் தானாகவே வளருகிறது.

மனமற்ற நிலை உடையவர்கள்... சித்தர்கள்,ஞானிகள், மகான்கள், முனிவர்கள், ரிஷிகள்... எல்லாமும்மாகிய கடவுளும் அப்படியே.. நாம் மட்டுமே இன்னமும் மனிதனாக இருக்கிறோம்.... 

கோகி

"உடனடி திருமண வாய்ப்புக்கு.."

   

*Meditation தியானம்

"உடனடி திருமண வாய்ப்புக்கு.."

உடனடி திருமண வாய்ப்புக்கு.. கல்வி,புகழ், சம்பாத்தியம், ஊனம், இது எதுவும் முக்கியமில்லை,.. இதோ இந்த நிமிடத்திலிருந்து கூட மாற்றம் ஏற்பட்டு, உங்கள் நிலையை நீங்களாகவே உயர்திக்கொள்ளலாம்.. அது எப்படி சாத்தியம் என்றால் கீழே உள்ள ஒரு உதாரண கதையை, ஒரு குரு தனது சிஷ்யனுக்கு சொல்லுவதை கவனமாக கேளுங்கள் புரியும் (புரியாதவர்கள் இரண்டு மூன்று முறை திரும்ப திரும்ப படித்துப்பாருங்கள்).

 

ஒரு நாட்டின் மன்னன் யானை மீதமர்ந்து நகர்வலம் சென்று கொண்டிருந்தான்! அப்போது கடைத்தெருவில் ஒரு குறிப்பிட்ட கடை வந்த பொழுது மன்னன் அருகிலிருந்த மந்திரியிடம் “மந்திரியாரே ஏனென்று எனக்குப் புரியவில்லை ஆனால் இந்தக் கடைக்காரனைத் தூக்கிலிட்டுக் கொன்று விடவேண்டும் என்று தோன்றுகிறது”என்றான்.

மன்னனின் பேச்சைக் கேட்ட மந்திரி அதிர்ந்து போனான்! மன்னனிடம் விளக்கம் கேட்பதற்குள் மன்னன் அக்கடையைத் தாண்டி நகர்ந்து விட்டான்!

அடுத்த நாள் அந்த மந்திரி மட்டும் தனியாக அந்தக் கடைக்கு வந்தார்.

அந்தக் கடைக்காரனிடம் யதார்த்தமாகக் கேட்பது போல வியாபாரம் நன்றாக நடக்கிறதா என்று விசாரித்தார். அதற்கு கடைக்காரன் மிகவும் வருந்தி பதில் சொன்னான்!

அவன் சந்தனக் கட்டைகளை வியாபாரம் செய்வதாகத் தெரிவித்த கடைக்காரன் “என் கடைக்கு வாடிக்கையாளரே யாரும் இல்லை! கடைக்கு நிறைய மக்கள் வருகின்றனர்! சந்தனக் கட்டைகளை முகர்ந்து பார்க்கின்றனர்! நல்ல மணம் வீசுவதாகப் பாராட்டக் கூட செய்கின்றனர், ஆனால் யாரும் வாங்குவதுதான் கிடையாது” என்று வருத்தத்துடன் சொன்னான் கடைக்காரன்.

அதன் பின் அவன் சொன்னதைக் கேட்ட மந்திரி அதிர்ந்து போனான்!

“இந்த நாட்டின் அரசன் சாகும் நாளை எதிர்நோக்கியுள்ளேன்! அவன் இறந்து போனால் எப்படியும் எரிக்க நிறைய சந்தனக் கட்டைகள் தேவைப்படும் எனக்கு நல்ல வியாபாரம் ஆகி என் கஷ்டமும் தீரும்” என்றான் கடைக்காரன்!

அவன் சொன்னதைக் கேட்ட மந்திரிக்கு முதல் நாள் அரசன் சொன்னதன் காரணம் என்னவென்று விளங்கியது! இந்தக் கடைக்காரனின் கெட்ட எண்ணமே மன்னனின் மனதில் எதிர்மறை அதிர்வுகளை அவனறியாமல் உண்டாக்கி அப்படிச் சொல்ல வைத்தது என்று உணர்ந்தான் மந்திரி!

மிகவும் நல்லவனான அந்த மந்திரி இந்த விஷயத்தை சுமுகமாகத் தீர்க்க உறுதி பூண்டான்! தான் யாரென்பதைக் காட்டிக் கொள்ளாமல் அவன் கடைக்காரனிடம் கொஞ்சம் சந்தனக் கட்டைகளை விலைக்கு வாங்கினான்!

அதன் பின் மந்திரி அந்தக் கட்டைகளை எடுத்துச் சென்று அரசனிடம் நேற்று அரசன் சொன்ன அந்த சந்தன மரக் கடைக்காரன் அரசனுக்கு இதைப் பரிசாக வழங்கியதாகக் கூறி அதை அரசனிடம் தந்தான்!

அதைப் பிரித்து அந்தத் தங்க நிறமுள்ள சந்தனக் கட்டைகளை எடுத்து முகர்ந்த அரசன் மிகவும் மகிழ்ந்தான்!

அந்தக் கடைக்காரனை கொல்லும் எண்ணம் தனக்கு ஏன் வந்ததோ என்று வெட்கப்பட்டான்!

அரசன் அந்தக் கடைக்காரனுக்கு சில பொற்காசுகளைக் கொடுத்தனுப்பினான்! அரசன் கொடுத்தனுப்பியதாக வந்த பொற்காசுகளைப் பெற்றுக் கொண்ட வியாபாரி அதிர்ந்து போனான்!

அந்தப் பொற்காசுகளால் அவனது வறுமை தீர்ந்தது! இன்னும் அந்தக் கடைக்காரன் இத்தனை நல்ல அரசனை தன்னுடைய சுயநலத்துக்காக இறக்க வேண்டும் என்று தான் எண்ணியதற்கு மனதுக்குள் மிகவும் வெட்கப்பட்டு வருந்தினான்!

அத்துடன் அந்த வியாபாரி மனம் திருந்தி நல்லவனாகவும் ஆகிப் போனான்!

குரு சிஷ்யர்களைக் கேட்டார் "சீடர்களே இப்போது சொல்லுங்கள் கர்மா என்றால் என்ன?" என்றார்!

பல சீடர்கள் அதற்கு பல விதமாக “கர்மா என்பது நமது சொற்கள், நமது செயல்கள், நமது உணர்வுகள், நமது கடமைகள்” என்றெல்லாம் பதில் கூறினர்!!

குரு பலமாகத் தலையை உலுக்கிக் கொண்டே கூறினார் "இல்லையில்லை கர்மா என்பது நமது எண்ணங்களே"

நாம் அடுத்தவர்கள் மேல் நல்ல அன்பான எண்ணங்களை வைத்திருந்தால் அந்த நேர்மறை எண்ணங்கள் நமக்கு வேறேதேனும் வழியில் சாதகமாகத் திரும்பி வரும்! (மற்றவர்களின் திருமணத்திற்கு நிறைய வாழ்த்து கூறுங்கள், அது உங்களது திருமணத்திற்கான வழியை வகுத்துத் தரும்.)

மாறாக நாம் அடுத்தவர் மேல் கெடுதலான எண்ணங்களை உள்ளே விதைத்தால் அதே எண்ணம் நம் மேல் கெடுதலான வழியில் திரும்பவும் வந்து சேரும் !! (நமக்கு ஆகவில்லையே, மாற்ற அனைவருக்கும் திருமணம் ஆகிறதே என்று..) 

வாழ்த்துக் கூறுவதைப் பற்றிச் சில அன்பர்கள் வினா எழுப்புகிறார்கள்.

  

*Meditation தியானம்

"வாழ்த்துக் கூறுவதைப் பற்றிச் சில அன்பர்கள் வினா எழுப்புகிறார்கள்."

எண்ணம் நின்று விட்டால் நலமாக இருக்கும் என்று இயற்கைக்குப் பொருந்தா நினைவு கொள்ளவேண்டாம். உயிர் வாழும்போது, விழித்திருக்கும்போது, எண்ணங்கள் இயங்கிக் கொண்டுதான் இருக்கும். தூங்கும்போது எண்ணங்களில்லையே, அதனால் என்ன பயன் பெற்று வருகிறீர்கள். மரணத்தில் எண்ணம் அடியோடு நின்றுவிடும். பிறகு என்ன உயர்வைக் காணமுடியும். எண்ணம் இயங்கிக் கொண்டிருக்கும் போதே முறைப்படுத்திப் பயன் கண்டு சிறப்படையுங்கள். தவத்தில் பழக்கும் எண்ணம் வாழ்வில் எல்லாத் துறைகளிலும் சிறப்பளிக்கும்.

வாழ்த்துக் கூறுவதைப் பற்றிச் சில அன்பர்கள் வினா எழுப்புகிறார்கள். வேண்டுமென்றே கெட்ட எண்ணத்தோடு ஒருவர் எனக்குத் தீங்கு இழைக்கிறார், துன்பம் தருகிறார் என்றால் அவரை எப்படி வாழ்த்த முடியும்? ஏன் அத்தகைய கொடுமையாளரை வாழ்த்த வேண்டும்? என வினவுகின்றனர். எவரும், எவருக்கும் எத்தகைய கெடுதலும் அவர் விருப்பம்போல் செய்துவிட முடியாது. ஒவ்வொருவரிடத்தும் வினைப்பயன் பதிவுகள் உள்ளன.

அப்பதிவுகளை வெளியாக்கித் தூய்மைப்படுத்த வேண்டியது இயற்கையின் நியதி. தனது தவறான செயல்கள் மூலமாகவும் தனக்குத் துன்பம் விளைந்து வருந்தி அப்பதிவுகள் நேர் செய்யப்படலாம். பெரும்பாலும் இயற்கை வேற்று மனிதர் செயலின் மூலமே அப்பதிவுகளை வெளிக்கொண்டு வருகிறது.

ஒருவர் இன்னொருவருக்குத் தீமை செய்கிறார், அல்லது துன்பம் அளிக்கிறார் என்றால் இயற்கை ஒருவர் வினைப்பதிவை வெளிக் கொணர இன்னொருவரைக் கருவியாக உபயோகிக்கின்றது என்றுதான் பொருள். எனவே, தீமை செய்தவர் தானே விரும்பி இன்னொருவருக்குத் துன்பம் அளித்தார் என்று கொள்வதைவிட துன்பம் கண்டவர் வினைப்பதிவை இன்னொருவர் இயற்கையின் ஒருங்கிணைந்த பேராற்றல் உந்துதலால் வெளிக்கொணர்ந்து நேர்செய்து விட்டார் என்று கொள்வதே சரியான விளக்கம்.

தனது விணைப்பதிவே இன்னொருவர் மூலமாகத் துன்பமாக விளைந்தது என்று உணர்ந்து கொண்டால் பிறர் மீது வெறுப்பு எவ்வாறு எழும்?

- அருட்தந்தை வேதாத்திரி மகரிஷி