*Lesson-2, பாடம்-2 ஆசனம் தரைவிரிப்பு *

 

*Meditation தியானம்

*Lesson-2, பாடம்-2*

*🧘‍♀️🧘‍♂️ஊழ் வினை உருக்கி.. உள் ஒளி பெருக்குவதே தியான யோகம்🧘‍♂️🧘‍♀️*

*முந்தைய வகுப்பு பயிற்சியின் தொடர்ச்சி:-*😷🔔🔔🔔🔔

*ஆசனம் தரைவிரிப்பு *

"ஸ்திரம் சுகம் ஆசனம்" என்பது யோகத்தின் தந்தையான பதஞ்சலி கூறும் வாக்கு.

நாம் வாழும் இந்த உலகமும், உடலும் (பஞ்ச)ஐந்து பூதங்களால் உருவானது. எனவே   உடலுக்கும் உலகத்துக்கும் இடையில் இடைவிடாது ஏதாவது ஒரு பரிவர்த்தனை எப்போது இருந்துகொண்டே இருக்கும், எனவே நாம் ஒரு தரைவிரிப்பை விரித்து அதன் மேல் உட்கார்ந்து  தியானம் பழகும் பொழுது, தியான தன்மைக்கு எதிராக உள்ள சக்தி தடைபடுகிறது. நமது தியானம் எவ்வித  இடையூறுகளும் இல்லாமல் தியான நிலை சித்திக்கும்..

சில இடங்களில் தியானம் செய்யும் பொழுது நாமாகவே அந்த இடத்தின் அதிர்வை உணர முடியும். ஞான அலைகளும் ஓங்கார ஓசையும் என்றும் நிறைந்திருக்கும் கோவில் மற்றும் பூஜையறை மற்றும் சுத்தம் சுகாதாரமான இடத்தில் அப்படிப்பட்ட அதிர்வுகளை சக்திகள் உணரலாம். ஏன் இதை குறிப்பிடுகிறேன் என்றால் தியானம் புதிதாகப் பழகும் பொழுது இதுபோல மிகவும் உறுதுணையாக உள்ள இடத்தில் தியானம் செய்யும்போது தியானத்தில் எளிதாக லயிக்க முடியும் என்பது குறிப்பிடத்தக்கது.

ஒரு சிறிய செடி வளரும் தருவாயில் சில வேலிகள் அதற்கு அரணாக தேவைப்படும் ஆடு, மாடு மேய்ந்து விடாமல் இருப்பதற்கு மற்றும் அதன் பாதுகாப்புக்கு.

அந்தச் சிறிய செடி ஒரு மரமாக வளர்ந்த பின்னரும் எந்தவிதமான வேலிகளோ பாதுகாப்பு அம்சமோ தேவையில்லாமல் உறுதியாக இருக்கும்.

அதுபோல தியானத்தன்மையை நாம் அடையும் வரை பல விஷயங்களில் நாம் மிகவும் கவனமாக இருக்க வேண்டும் என்பது குறிப்பிடத்தக்கது.

தியான தன்மையை அடைந்த பின்னர், கண்களை மூடிய நிலையிலோ அல்லது கண்களைத் திறந்த நிலையிலோ சதா தியான தன்மையிலே இருக்க முடியும் என்பது குறிப்பிடத்தக்கது.

சிறப்பான தியானத்தன்மை அடைந்துவிட்டால் எங்கு வேண்டுமானாலும் சதா எப்பொழுதுமே தியான நிலையில் இருக்க முடியும்.

*அஷ்டாங்க யோகம்*

 ‍

*அஷ்டாங்க யோகம்*    

           *ஒவ்வொரு மனிதனும் வாழ்வில் உடல் ஆரோக்கியமாகவும் உள்ள அமைதியாகவும் வாழவும், தன்னை உணரவும், தனக்குள் இறுக்கும் பேராற்றலை உணரவும் ஒரே வழி ஸ்ரீ பதஞ்சலி மகரிஷி அருளிய அஷ்டாங்க யோகம் என்ற 8 படிகளே வாழ்வின் வெற்றிப்படி என எளிமையாக விளக்கியுள்ளார்.*

*1. இயமம்*

    *மனம் சம்பந்தப்பட்ட ஒழுக்க நியதிகள். முக்கியமான கட்டுப்பாடுகள் அஹிம்சை, சத்தியம், பிரம்மச்சரியம், அஸ்தேயம், பேராசையின்மை போன்ற அடிப்படை மனித பண்புகளை வளர்க்க வேண்டும்.*

*2. நியமம்*

    *இதுவும் மனம் சார்ந்த ஒழுக்க கோட்பாடுகள் – அகத்தூய்மை, புறத்தூய்மை, தவம், புனித நூல்கள் படித்தல், இறைவனிடம் சரணாகதி முதலியவற்றை விளக்குகிறது.*

*3. ஆசனம்*

    *ஆசனம் என்ற சொல்லுக்கு 'இருக்கை' என்பது பொருள். உடலை ஒரு நிலையில் குறிப்பிட்ட அளவு நேரம் இருக்கச் செய்யும் உடற்பயிற்சியையும் அவை சார்ந்த நிலைகளையும் குறிக்கும் சொல்லே யோகாசனம்*

*4. பிராணாயாமம்*

    *பிராணயாமம் (சமசுகிருதம்: प्राणायाम prāṇāyāma ) என்பது ஒரு சமசுகிருத சொல், அதற்கு "பிராணா அல்லது மூச்சைக் கட்டுப்படுத்தி வைத்தல்" என்று பொருள்*

*5. பிரத்தியாகாரம்*

   *பிரத்தியாகாரம் என்பது அனைத்து புலன்களையும் கட்டுப்படுத்துவது ஆகும். மொத்தம் 11 புலன்கள் உள்ளன. அதாவது ஐந்து உணர்வுகள், ஐந்து செயல் புலன்கள் மற்றும் ஒரு மனம். பிரதி மற்றும் அகாரா, அதுவே பிரத்தியாகாரம் எனப்படுகிறது*

*6. தாரணை*

    *மனதை ஒரு பொருளில் குவிய செய்தல். அதன் மூலம் எண்ணற்ற ஆற்றலை அடையலாம். தாரணை கை கூட வைராக்கியம், சாத்வீக உணவு, தனித்திருத்தல் முதலியவை தேவை.*

*7. தியானம்*

    *ஒரே சிந்தனை. தாரனையின் முடிவு தியானமாகும். மன அமைதி. இதயம் பாதுகாக்கப்படும். எந்த நோயும் வராது. தியானம் கைகூடினால் எல்லாம் கைகூடும்.*

*8. சமாதி*

    *ஆதியில் சமம். எண்ணமற்ற நிலை. மனம் கரைந்த நிலை. மௌன நிலை. பேரின்ப நிலை. இதுவே நம் உண்மை இயல்பு.*

*அஷ்டாங்க யோக எட்டு படிகளை அனைவரும் கடை பிடிக்கலாம். ஆனந்த வாழ்வு வாழலாம்.*

‍

சில முக்கிய ஆசனங்கள்-அறிமுகம்

  ‍

*சில முக்கிய ஆசனங்கள்-அறிமுகம்*

*யோகா என்ற சொல் சமஸ்கிருதச் சொல் ஆகும்.யோகா என்ற வார்த்தைக்கு ஒன்றிணைதல் என்று பொருள்.* 

*யோகாசனம்= யோகா+ஆசனம், அதாவது மனதை அலைபாய விடாமல் ஒருநிலைப்படுத்தி செய்யப்படும் உடற்பயிற்சி என்று பொருள்.*

*யோகாசனத்தின் வகைகள்*

*யோகாசனத்தை 5 வகையாக பிரிக்கப்பட்டுள்ளன.*

*1. கர்மயோகம்:* பலனை எதிர்பார்க்காமல் செய்யும் சேவை

*2. பக்தியோகம்:* இறைவனிடத்தில் தன்னை முழுமையாக அர்ப்பனித்தல்

*3. ஞானயோகம்:* பூரண அறிவுடன் செயலாற்றுதல்

*4. இராஜயோகம்:* யோகங்களின் முதன்மையானது, ஓரிடத்தில் அமர்ந்து செய்யப்படும் தியானம்

*5. ஹடயோகம்:* உடலை பலவகை இருக்கைகளுக்கு உட்படுத்தி மனதை பண்படுத்துதல்

‍